ازاى الكورونا ممكن تقضى على الإنترنت فى العالم ؟
ازاى الكورونا ممكن تقضى على الإنترنت فى العالم ؟
العالم حالياً بيواجهة صعوبة وبطئ كبير فى ا
والضغط ده له أسباب كتيرة من ضمنهم "الشغل فى البيت، أو لجوء الناس للألعاب أو الفيديوهات علشان يقْضوا على وقت فراغهم ".
بس فى نفس الوقت فى مخاوف كتير من تأثير الضغط الكبير على شبكة الإنترنت وقدرتها على استيعابه.
والخوف هيستدرجنا إننا نسأل ،
ليه إرتفع استهلاك الإنترنت ؟
وده اللى هنوضحه دلوقت بشكل ملخص :
1/مكالمات الفيديو:
فى تقرير جديد وضح زيادة بنسبة 70% على مكالمات الفيديو الجماعية على ماسنجر ،وكمان الوقت المستخدم فى المكالمات بقا بيتضاعف على مستوى العالم.
وكمان زادت المكالمات على "الواتس اب" للضعف وخصوصاً فى الأماكن الأكثر تأثيراً بفيروس كورونا حسب ما قالت CNET .
2/منصات التعلم عبر الإنترنت:
بعد فرض الحظر الكل بقا يلجأ للإنترنت علشان يستخدمه فى عملية التعليم زى "الكورسات،المحاضرات ،حل الواجبات " سواء كان على منصات خاصة أو عامة واللى بيشكل ضغط كبير على الإنترنت.
ومع دراسة أسباب ارتفاع استهلاك الإنترنت اتضح إن مصر موجودة فى المركز التاسع عالمياً فى استخدام الإنترنت واللى بيفسر البطئ الشديد للإنترنت حالياً.
كل ده بيخلينا نسأل ازاي شركات التكنولوجيا هتواجه الإستهلاك الكبير ده !
الإتحاد الأوروبي مؤخراً طلب من شركات التكنولوجيا وخصوصاً اللى بتعتمد على بث الفيديوهات إنها تقلل من جودة الفيديوهات اللى بدوره هيقلل من الإستهلاك ،وخصوصاً توجه الناس فترة الحظر للفيديوهات الترفيهية بشكل ضخم .
وعلشان كده أعلنت بعض الشركات استجابتها للطلب ده زي
1/يوتيوب
أعلن عن تقليل جودة المحتوى اللى هيتعرض من خلاله ،وبحسب موقع CNET الأمريكى قال إن أقصى دقة هيعرض بها يوتيوب الفيديوهات هتكون 480 بيكسل ،وده غير المعتاد لإن الجودة كانت بتوصل ل 4K .
2/نتفليكس
أعلنت انها هتقلل جودة محتواها بنسبة 25% خلال الشهر الجاى ،
وقالت الشركة إن تقليل جودة الصورة هيقلّل من استهلاك بياناتها بنسبة 25 %، لكنها أشارت إن المشاهدين هيستمتعوا بجودة كويسة للصورة.
3/ديزنى
رغم ان خدمت ديزنى + لسه منزلتش حالياً ولكن رئيس ديزنى حسب موقع engadget الأمريكى قال إنهم هينضموا لباقى الشركات فى تقليل الجودة ل 25% على الأقل فى كل الأسواق اللى هتستخدم ديزنى+ .
4/فيسبوك
بدأ فى تقليل جودة الفيديوهات اللى موجودة عليه وعلى انستجرام فى أوروبا استجابة لدعوة الإتحاد الأوروبي للتقليل من الاستهلاك .
كده وضحنا أسباب ارتفاع الإستهلاك على الإنترنت وازاى الشركات واجهت المشكلة دى ،دورنا حالياً إننا نقلل من استخدامنا وخصوصاً فى الأوقات اللى بيكون فيها الإستهلاك عالى علشان نقلل من الضغط على الشبكة لإننا مش عارفين البنية التحتية هتستحمل الضغط ده والا لا .
فى حالة حصل خلل فى البنية التحتية تفتكر ايه موقفنا لو انقطع الانترنت عن العالم؟
تعليقات
إرسال تعليق