نصائح للمبتدئين ف الاندرويد
شوية نصايح لو انت لسه مبتدئ فى ال Android Development :
- افهم اﻻساسيات كويس جدا جدا , وما تستعجلش ابدا فى المرحلة ده , هى اهم واصعب مرحلة , الباقى كله تراكمات على المرحلة ده , فا مجات قهوة كتير وشوية تركيز وصبر والدنيا هتبقى تمام.
- بعد لما تخلص اﻻساسيات , ﻻزم تعمل مشروع تنفذ فيه اغلب ال انت دراسته , المجال ده مجال تنفيذ مش حفظ , يعنى ال دراسته ﻻزم تتطبق عليه باى مشروع ولو بسيط عشان تقدر تقول لنفسك انك فهمته.
- اتعلم Design pattern , واﻻكثر استخداما فى مجال ال Android هما : MVC ,MVP , MVVM , ادرس كل واحده وطبق عليه بمشروع منفصل , وخد بالك مفيش شركات بتشغل android developer من غير ما يكون عارف design pattern.
- ال Map sdk , ده عاوزة شوية مجهود عشان تقد تكون ملم بكل ال feature ال فيها فا ممكن تشتغل عليها بتطبيق منفصل وتشتغل على كل جزء فيها , وتخلى التطبيق ده بعد كده كا library ليك , ﻻنك مع الوقت هتنسى , فا بدل ما تشتغل من ال zero , هتفتكر الكود فقط.
- التاسكات الصغيرة مش هتطور من مستواك بالشكل المطلوب , حدد مشروع كبير مثﻻ فكرة تطبيق Social او Store وابدا اشتغل عليها حتى لو عارف انك ممكن مش هتستفاد من التطبيق ماديا , هو ده ال هيكون ال CV بتاعك سواء كنت عاوز تشتغل فى شركة او كا Freelance , فا فعليا مفيش حاجة هتخسرها بالعكس.
- اتعود انك تتابع الجديد اول بى اول , اى حاجة بتدرسها بتزيد من خبرتك فا بتزيد من مستواك , فبتزيد قمتك وبالتالى بيزيد راتبك فى الشركة ال فيها او ال هتتنتقل ليها , فا خليها قاعدة ثابته فى دماغك انك ﻻزم تطور من نفسك بشكل مستمر حاجة كده زى اﻻكل والشرب مفيش غنى عنها.
- كون عﻻقات مع ناس فى نفس تخصصك ده هيفيدك كتير و هيوسع مداركك اكتر , غير انك هتﻻقى ناس تساعدك لو وقفت معاك مشكلة وهتحس انك مسنود فى حد ترجعله مش ماشى فى الطريق لوحدك.
- اخر حاجة متبخلش على حد بمعلومة ابدا مادام فى قدرتك , علميا لما بتشرح لحد معلومة ده بيثبتها عندك وصعب انك تنساها , فانت برضه مستفيد , غير ان الموضوع هيتردلك برضه , وخيركم من تعلم العلم وعلمه.
تعليقات
إرسال تعليق