باكستان تهدد بالفضيحه
أكبر مزود إتصالات في باكستان (Mobilink) تم إختراقة وسرقة بيانات 115 مليون مواطن باكستاني.
البيانات المسروقة بتتضمن الإسم بالكامل, الرقم القومي, رقم الهاتف, العنوان وغيره. وبيرجح ان الإختراق ده تم في 2017. والحكومة الباكستانية بتحقق في الموضوع في الوقت الحالي.
البيانات بيتم عرضها للبيع حاليا في أحد مواقع ال darkweb. موقع ZDNet واللي عندهم فريق من أشطر الreporters في مجال ال cyber security قدرو يوصلو لنسخة من البيانات دي ولكن غير كاملة (بيانات ٤٤ مليون شخص مش ال ١١٥ كلهم) وأكدو للاسف صحة البيانات.
بالمناسبة البيانات كاملة معروضة للبيع بمقابل ٢ مليون دولار.
باكستان عدد سكانها تقريبا 230 مليون, فاحنا بنتكلم في ان اللي معاه البيانات دي معاه بيانات كاملة عن نص الشعب الباكستاني, واللي بتعتبر كنز لأي دولة معادية لباكستان كالهند علي سبيل المثال.
تحديث: الناس اللي بتسأل عن الإستفادة من البيانات دي. شوف الموضوع من منظور دولة بتعادي دولة مش من منظورك انت كفرد او كأشخاص."مثال غير واقعي ولكن لتقريب الصورة":
الهند بتعادي باكستان, وعندهم بيانات كتير عن مواطنين باكستانيين شاركوا في عمليات تفجير او قتال في الهند او في كشمير أو بيانات جواسيس باكستانيين, البيانات اللي عند الهند غير مكتملة زي انهم عندهم أسماء اشخاص فقط او ارقام هواتف فقط الخ, مع البيانات دي ولما يتم ربط الدنيا ببعض بقي عندهم سجل كامل ببيانت الناس دي وبقي سهل جدا تتبعهم والوصول ليهم. البيانات دي كذلك بتشمل بيانات ناس مهمه, بكلمك في نص الشعب الباكستاني اللي أكيد من ضمنهم علماء طاقة ووزراء ولواءات وضباط ومحامين وإعلاميين الخ الخ فتخيل بقي من منظور دولة, دي بيانات مهمه ازاي.
مصدر:
https://securityaffairs.co/wordpress/102795/breaking-news/pakistani-mobile-users-leak.html
تعليقات
إرسال تعليق