الذكاء الاصطناعي ....وكيف اتعلمه

 العلم و التكنولوجيا بيتطوروا بسرعه و الحياه بتبقي اسهل و اسهل بس لو فكرنا لثانيه كدا هي التقنيات و التكنولوجيا و الروبوتات اللي زي صوفيا و غيرها اتعملوا ازاي 

او عشان نحدد اكتر ممكن نقول هما اتبرمجوا ازاي او بايه 

و هل ممكن انا اعمل حاجه شبه Siri او غيره من المساعدين ؟ 

اه تقدر تعمل حاحه شبيه بيها. طب كده انا المفروض ابدا اتعلم ايه؟ 

المفروض تتعلم برمجه طبعا و اكيد معاها AI، و دلوقتي السؤال الذي سيطرح نفسه ايه هو AI ؟ 

الAI دي اختصار (Artificial Intelligence) يعني ذكاء اصطناعي بمعني ادق هي نظريه لتطوير نظام الكمبيوتر بحيث يبقي قادر علي اداء مهام تتطلب ذكاء بشري. تتطلب ذكاء بشري ! ليه هو الكمبيوتر او الالات اقل ذكاء من الانسان؟ اه طبعا علشان الاله مش بتفهم غير 0 و 1 و كمان مش بتقدر تعمل حاجه مش متبرمجه عليها عشان كده توصلنا لمفهوم AI.

عندنا تلت انواع من ال AI واللي اتقسمت على حسب قدره كل واحده انه يجاري العقل البشري وهما:

• Artificial Narrow Intelligence (ANI)

• Artificial General Intelligence (AGI)

• Artificial Super Intelligence (ASI)

ANI واللي ممكن يتسمى بال Weak AI هو اللي عنده القدره على تقليد جزء محدود جدا من الذكاء البشري فبيكون قادر بس على انه يعمل الحاجه اللي اتصمم عشانها بس وده بيكون اكتر نوع منتشر زي مثلا ال autocorrect اللي ممكن نشوفه على ال word او مثلا Self-driving cars وهي العربيات اللي تقدر تشتغل لوحدها وتحدد طرق السير.

في كمان ال AGI اللي هي وعلى عكس ال ANI فهي الاجهزه اللي تقدر تفكر وتاخد قرارات بنفسها زي البشر بالضبط. ال AGI أو ال Strong AI يعتبر من الحاجات اللي ممكن بعدين تكون تهديد للبشريه وده على حسب كلام علماء كتار ومنهم ستيفن هوكنج واكيد كتير مننا سمع عن صوفيا واللي هي عباره عن جهاز عنده القدره على التفاعل مع الناس وتغيير ريأكشناتها وكده.

واخيرا ال ASI وهي الاجهزه اللي يقدر يعدي ذكاء العقل البشري وقدراته فبيكون قادر انه يطور من نفسه باستخدام اي مصدر حواليه او حتى من على جوجل.

داوقتي انت فهمت يعني ايه AI و عرفت انواعه طب ما تيجي نشوف فروعه :

Machine Learning ( ML): دي الطريقه اللي بيها بتخلي الاله تفهم عن طريق البيانات.

Deep Learning ( DL): ده جزء من ML اللي بيعتمد علي شويه خصائص مع مساعده بسيطه من المبرمج و بيستخدم في المشكلات اللي بتبقي صعب حلها ب ML زي معالجه الصور.

Text Mining/ Text Analytics: دي عمليه فهم معني نصوص اللغات الطبيعيه.

Natural Language Processing (NLP): و دي عباره عن طريقه للتواصل مع نظام ذكي باستخدام لغات طبيعيه و دي جزء من Text Mining .

Expert System : هو نظام كمبيوتر يحاكي قدره الانسان في اتخاذ القرارات

لو عجبك ال AI و عايز تتعلمه استنى باقي السلسة و الفيديوز اللي هتنزل✨